Сеул – трансформација на автопат во градина

Градоначалникот на Сеул свечено го отвори т.н Skygarden,  проект кој претставува трансформација на поранешен автопат во пријатно шеталиште и градина. Проектот е дело на MVRDV, лоциран е во еден од најфрекфентите квартови на Сеул, има должина од 983 метри и подигнат е 16 метри во височина.

Градината е дом на 24.000 билки и дрвја од 228 видови и подвидови. Проектот е уште познат и под името Сеул 7017, име кое е кованица од годините 1970 кога е граден автопатот, и 2017 кога е отворена градината. Илуминацијата на проеторот е решена во светло сина боја, бидејќи оваа боја најздраво делувала на растителниот свет.