Сауна со покрив од трски

Изградбата на мали издвоени простории кои служат како сауни, во Русија е честа појава, а архитектот Андреј Бугаев од студиото Artecology ја направи својата верзија која се наоѓа во шума и потсетува на сцена од бајките. За изградба користел цели стебла ариш со должина од 5 метри, поради отпорноста на влага и естетскиот момент. Мекиот и преубав покрив од трска е исто така оригинален концепт. Оваа сауна се загрева со помош на печка на дрва изградена од цигли. На катот се наоѓа мал простор за одмор на гостите. Во склоп на овој имот се наоѓа и летниковец во истиот стил.