Насловна / Архитектура / Ритам на волумени и динамика на визури

Ритам на волумени и динамика на визури

Во Хрватска на Истра во местото Каштелир во близина на Пореч, се наоѓа Куќата за одмор Ружиќ. Автори на објектот се архитектите Ана Сламар и Адријано Стеќ од бирото „Тиса“. Локалната, традиционална градба го инспирирала решението кое го треира објектот како низа од помали волумени со различни функции, со кои доследно се постигнува ритмичен карактер, додека со флуидно поврзување на ентериерот и екстериерот се отвараат динамични визури. Каштелир од примарно рурална целина се орјентира кон нов вид туристичка понуда на куќи за одмор.

10_resize

Субурбаната агломерација на Каштелир како контекстуална рамка на проектот во последното десетлетие од примарна рурална средина се оријентира кон нов вид туристичка понуда на куќи за одмор. Трансформацијата проследена со неадекватна урбанистичка пракса и изградба водена со брзање, основно мерило цена по квадратен метар и сомнителен обликовен јазик, поттикнува сомнеж кон идното изградено опкружување, кое може да го загрози квалитетот на живот и користењето на објектите.

14_resize 7_resize

Анализата на контекстот резултира со интровертиран објект, составен од низа периферно поставени функционални волумени со индивидуална намена.

3_resize

Таквата диспозиција овозможила сместување на поинтимни, внатрешни и надворешни содржини, како базен и џакузи и низа надворешни простори во корпусот на објектот, заштитени од надворешните погледи. Функционалната диспозиција се градира со поминување низ објектот од заедничките простории, дневен боравок, трпезарија до интимни простори, спалните соби и wellness.

2_resize 8_resize

Композицијата на волумените, речиси потоплно застаклени кон внатрешниот дел, на ентериерот му даваат динамични визури, кои се диригирани од монолитните волумени, од отсјајот на водата, природното светло, движењето на сенките. Со ритмичко нижење на белите волумени околу водената површина создадена е целина без јасна граница меѓу отворениот и затворениот простор.

1_resize 5_resize 11_resize 9_resize 4_resize 12_resize

13_resize

15_resize

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top