Насловна / Вести / Ресторан во Даблин, место со многу имагинација

Ресторан во Даблин, место со многу имагинација

Предимензионирани лижавчиња во форма на лампи и интересен влезен дел, го прават овој ресторан во Даблин, место со многу имагинација.

„Cinnamon“, како што се вика ресторанот, пред да биде трансформиран од страна на бирото за ентериери, Kingston Lafferty Design, бил простор без карактер, а сега е се друго освен тоа. Просторот претставува своевидна прослава на разиграност и хумор, иснпириран од надреални уметнички дела и јарки, психоделични ентериери.

1_resize

3_resize

„Сакавме да создадеме еден имагинарен и сонлив свет, каде што формите изгледаат како да лебдат внатре и ништо не е баш како што изгледа“, вели една од основачите на бирото, Roisin Lafferty за Dezeen.

14_resize

Кујната на ресторанот е сместена на нивото на мезанинот во задниот дел, оставајќи драматичен трпезариски простор со дупла висина во влезниот дел. Со плафон висок четири метри, дизајнерското биро сакало посетителите да се почувствуваат како кукли – минијатурно.

12_resize

Тоа е дополнително акцентирано со бројни други детали. Од едната страна на просторот се наоѓа гломазен сервисен шанк, каде се припремаат и превземаат нарачки за носење – неговата заоблена база е облечена во минт зелени плочки, додека горниот дел е направен од смарагден мермер. Позади шанкот се наоѓа ништо, украсено со пастелно обоени орнаменти, додека на спротивната страна се наоѓа голема сала украсена со тиркизно син тапацир. Малку понатаму, се наоѓа ѕид декориран со големи, тркалезни дискови, кои треба да асоцираат на големи копчиња.

8_resize

Кружната форма исто така добила свое ехо во делови на подот и гломазни бели лампи, кои асоцираат на големи лижавчиња. Заедничка маса опкружена со темно црвени столици поставена е спроти централниот дел, а покриена е со глазирани плочки. Во близина се сместени серија интимни простори за седење, сместени под кујната на мезанинот.

Амбиент како овој, со многу фантазија, повикува на уживање во убавата страна на животот.

2_resize 4_resize 5_resize 6_resize 7_resize 11_resize 10_resize 13_resize

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top