Со реконструкција од 110 милиони долари Центарот Помпиду ќе ја одбележи 40 годишнината

Несекојдневниот изглед на Центарот  Жорж Помпиду или Центар Бобур (Centre Georges Pompidou, Centre Beaubourg), ги шокираше парижаните во 1977 год. кога објектот бил завршен и отворен. Во духот на постмодернизмот и бруталистичката архитектура, со сите инсталации изведени долж фасадата и видливи однадвор, приемот на јавноста бил многу сличен и со крајно поделени мислења како што било и со Ајфеловата кула на крајот на 19 век.

Проектот избран на конкурсот за нов музеј и културен центар во историската област на Париз Le Marais во четвртиот арондисман, е дело на Renzo Piano & Richard Rogers. Во пресрет на својот 40 годишен роденден, овој објект ќе биде реконструиран во период од две години а инвестицијата ќе чини 110 милиони долари.

Проектот на реконструкцијата опфаќа ревитализација за зачувување на уникатната естетика на објектот вклучувајќи и темелна реконструкција на системот за климатизација, греење и вентилација, менување на познатиот ескалатор на самата фасада и сл. Според зборовите на претседателот на Центарот Serge Lasvignes, додека трае реконструкцијата Центарот нема да биде затворен за посетители ниту еден ден. „Тоа ќе биде еден вид конструкциска игра“ додадва тој.