Продажба на пет градежни парцели во општина Ѓорче Петров

На територијата на општината Ѓорче Петров, во рамките на локалитетот Стопански Двор, понудени се на продажба пет градежни парцели за изградба на сервиси и стоваришта.

Продажбата на парцелите, кои се движат од 4.821 до 7.433 квадратни метри, ќе ги спроведе Министерството за транспорт и врски.

Дозволената катност на објектите е приземје плус кат. Пријавите за учество на електронското јавно наддавање потребно е да се достават до 11 март годинава. Електронската аукција ќе се одржи на 18 март, со почетната цена 61 денар за квадратен метар.