Порта3 – градежништво, архитектура и екологија Порта3 – градежништво, архитектура и екологија
Лондонската фирма Tate Harmer заедно со дизајнерите Natalie Jeremijenko, Shuster + Moseley и фирмата Gensler, дизајнираа привремена канцеларија со локација во близина на лондонскиот парк Hoxton Square. Инсталацијата што функционира како канцеларија, наречена TREExOFFICE, е целосно изработена од пресувана хартија и дрво затворени со транспарентна пластика и поликарбонатни ребра и е поставена помеѓу дрвја. Ентериерот на канцеларијата е обезбеден со електрична енергија и безжичен интернет. Целта на овој проект е да ги охрабрат луѓето почесто да ги посетуваат градските паркови и да престојуваат во нив.
