Природни материјали – гарант за удобен дом

При дизајнирањето на ентериерите, архитектите најчесто се одлучуваат за употреба на одреден правец во кој би го воделе својот концепт. Еден од најсигурните правци во кои може да се води уредувањето на еден ентериер е употребата на природни материјали кои во последно време сè повеќе се во тренд.

Употребата на видливата полна тула, дрвото, стаклото и текстилот, надополнети со употрба на пастелни бои даваат резултат кој е позитивен и во овој дом се создава една природна, човекомерна и топла атмосфера.

Во овој стан и покрај употребата на овие природни материјали, како во дневниот простор, така и во спалните соби и останатите простории, во неговите рамки се наоѓа и изобилство на зеленило, што воедно овој простор се вдахнува и со природен дух. Овој дом е кохезија со природата, па престојот во него е сосема пријатен.