Претседателските кандитати во Хрватска под притисок од „зелените“

Активистите на Zelena akcija во Хрватска, упатија повик до претседателските кандидати за јавен отчет во врска со планираното истражување и можната експлоатација на нафта на Јадранот. Преку пет конкретни прашања „зелените“ инсистираат на ставовите на кандидатите пред вториот круг на претседателските избори закажан за 11.01.2015, за темата што предизвика сериозно бранување и во стручната и во пошироката јавност во оваа земја.

Притоа, се предупредува на фактот што Хрватска нема основен документ за стопанисување и заштита на Јадранот, односно Стратегија за управување со морето и крајбрежјето, што зборува за неподготвеноста за изведување на планираните ризични активности.

Кандидатите Иво Јосиповќ и Колинда Грабар-Китаровиќ се повикани сами да ја известат јавноста по наведените прашања.