Потпишана Ватиканската декларација за климатски промени

Претставниците на околу 60 еколошки градови потпишаа Ватиканска декларација која ги повикува националните лидери да усвојат климатска спогодба со која глобалното затоплување ќе се задржи на ниво кое е безбедно за човештвото.

Како што пренесува AP, во Ватиканската декларација наведено е дека се потребни финансиски стимулации за премин кон обновливи извори на енергија, но и пренасочување на финансиите од воена потрошувачка на одржлив развој. Истакнато е дека и националните политички лидери имаат посебна одговорност да на претстојната конференција за климатски промени во Париз го лимитираат глобалното затоплување и го заштитат човештвото.

Светските стручњаци сметаат дека градовите се клучни за намалување на глобалното затоплување поради тоа што градовите емитуваат дури три четвртини од вкупните емисии на стакленички гасови.