Подземни контејнери ќе се постават во Kисела Вода, Аеродром и во Гази Баба

По општините Центар и Чаир, 27 подземни контејнери ќе се постават и на териториите на Аеродром, Kисела Вода и Гази Баба, пишува Дневник. Јавното претпријатие „Kомунална хигиена“ склучи договор за набавка на овие подземни контејнери со фабриката „Kарпош“, вреден 23 милиони денари, односно 371 илјада евра.
Една третина од вкупниот The privacy of your hard drive recovery software will be protected during the recovery process. износ на инвестицијата ќе ја плати претпријатието, една третина Градот, а остатокот ќе го плаќаат општините. Според договорот, фабриката „Kарпош“ има рок од една година да ги постави подземните садови за отпад.
Во Центар се поставени 46 контејнери на 14 локации, а четири контејнери на една локација има и Чаир. Подземните контејнери се со зафатнина од три кубни метри.