Почнува зимско сметање на времето за паркирање

Од почетокот на октомври јавното претпријатие на Град Скопје, „Градски паркинг“ го воведува зимското сметање на времето за паркирање.
Па така, на паркиралиштата со кои стопанисува Градот, во зоните А,Б и Ц од понеделник до петок, паркирањето ќе се наплаќа од 7 до 21 часот, а не како до сега, до 23 часот.
Во сабота, паркирањето ќе се плаќа до 14 часот.
Во неделите и за празниците паркингот останува бесплатен.
Во зоните Д, во скопски „Аеродром“, наплатата од понеделник до сабота ќе се врши од 7 до 23 часот.