Порта3 – градежништво, архитектура и екологија Порта3 – градежништво, архитектура и екологија
Во римскиот кварт Della Vittoria, во станбен комплекс од 1925 година, се наоѓа стан кој го комбинира духот на минатиот век со мека, современа естетика.
Архитектите од Студио 02А пристапиле на просторот од околу 100 квадратни метри со намера да го зачуваат карактерот и светлината на оригиналната архитектура, а воедно да воведат нова топлина и лежерна елеганција преку бои, текстури и внимателно одбрани детали.
Секојдневни ритуали во нијанси на тертцо
Веќе на влезот, погледот води кон отворената дневна зона, каде што просторот природно се ниже од дневната соба, преку трпезаријата, до кујната. Главниот акцент е поставен со сино-сива библиотека по мерка, која ги дели и поврзува функционалните целини.
Комбинацијата на бои, инспирирана од неутралните тонови на венецијанското терацо, слободно се движи помеѓу беж, розови и топли нијанси, создавајќи хармонична основа од која произлегуваат детали како што се окер софата и лакираните површини на столаријата“, објаснуваат авторите.
Терацо подовите се задржани и освежени, додека таванот со дискретни гипсени профили го следи декоративниот ритам на подот во мермерни вметнати линии. Тој дијалог на материјали и геометрија станува потпис на овој ентериер.
Кујна во пастелни тонови
Кујната, сместена зад лизгачка врата од стакло и метал во тонови на путер, обликувана е во распоредот како буквата U.
Плочките во квадратен формат и подот со геометриски дезен внесуваат динамика, додека пастелните фронтови во нијанса на кајсија балансираат топлина на дрвото и минимализмот на деталите.
Подот се надоврзува со остатокот од станот со своите мотиви, со кои архитектите создаваат дискретна визуелна врска помеѓу старите и новите слоеви.
Бањи со став
Во станот има две бањи, од кои секоја има посебен карактер. Во гостинската бања доминираат бордо тонови, каде што мермерот, огледалата и керамиката создаваат софистицирана игра на рефлексии.
„Сакавме да го зголемиме контрастот помеѓу декоративното и минималното, помеѓу интимното и секојдневното“, велат архитектите.
Спротивно на тоа, главната бања зрачи со нежност – цветните тапети во комбинација со сини керамички летвички и лакови во боја на цреша внесуваат атмосфера на ретро романса, додека светло розовиот под ги поврзува сите елементи во целина.
Спални соби го продолжиле колоритниот дијалогот
Во спалните соби, архитектите го продолжиле колоритниот дијалогот преку пудра розова, боја на дрво и мат текстура.
Главната спална соба добила гардеробер со лизгачки огледални врати што визуелно го дуплира просторот, а креветот тапациран со букле делува како мек центар на просторот.
Гостинската соба, со софа во боја на слива и голема ламба, внесува нота на разиграност и удобност.
Станот претставува пример како историскиот контекст може да се оживее преку современ дизајн кој ја почитува атмосферата наминатите времиња.
