Плоштадот Славија во Белград пред реконструкција

Претседателот на Собранието на Белград, Никола Никодијевиќ, изјави дека плоштадот Славија, со голема модерна фонтана, ќе претставува нов симбол на градот. Неговата изградба, според Никодоијевиќ, ќе почне во март идната година.

Тој, за „Новости“, рече дека претстои усвојување на одлуката за изработка и за усвојување на планот за детална регулација на тоа подрачје и избор на изведувач на работите.

Се очекува сообраќајот на Славија да биде многу поефикасен, бидејќи јавниот превоз ќе се префрли на надворешната лента, додека трите внатрешни ленти ќе служат за автомобили, додека пешаците ќе користат подземни премини.

Никодијевиќ најави дека споменикот на Димитрије Туцовиќ, кој сега е на средината од плоштадот, во рамките на целата реконструкција ќе биде преместен на нов плоштад или плато, кое ќе биде направено пред заградата на Народна банка на Србија, што значи дека тој споменик од местото каде што сега се наоѓа ќе се премести за десетици метри.