Paysend инвестира во Србија и отвора европски технолошки центар

Paysend, глобална финтек компанија сo седум милиони клиенти, објави дека го отвора својот нов Европски технолошки центар во Белград. Новиот технолошки центар ќе се фокусира на развој на софтвер и производи, и претставува потврда на репутацијата на Србија како една од водечките технолошки центри во регионот, со растечка заедница на познати високотехнолошки компании и финтек стартапи. Целта на Paysend е директно да придонесе во  некои од иновативните технолошки иницијативи на кои во моментот се работи во Србија, вклучувајќи ја соработката со Народната банка на Србија на тестирање на платни решенија и производи за плаќање на банките, потоа, придружување на иницијативата Дигитална Србија  и сл.

Paysend е интегриран глобален екосистем на плаќање од следната генерација, кој им овозможува на потрошувачите и компаниите да плаќаат и испраќаат пари било каде и во било која валута.  Седиштето на компанијата е во Велика Британија, а функционира во над 150 земји.