Отворен за сообраќај еден од најдолгите мостови во Турција

Претседателот на Турција, Реџеп Таип Ердоган преку видеоконференција свечено го пушти во сообраќај новиот мост на реката Тигар. Станува збор за мост кој ги поврзува градовите Батман и Мидијат, а воедно претставува и решеие за премин на браната во тој регион. Со ова сообраќајно решение се намалува претходната делница од 162 километри за повеќе од 10 пати, односно на само 15km. Мостот е долг 1.001 метар, и е еден од најдолгите мостови на подрачјето на Турција. Изграден е согласно стандардите за автопат, а содржи и премин за пешаци. Максималната височина на мостот е 90 метри и има максимален распон од 168 метри.