Порта3 – градежништво, архитектура и екологија Порта3 – градежништво, архитектура и екологија
Општина Центар го започна пролетното чистење на одводниот канал во „Мало курило“, кој се наоѓа над улицата „Загребска“ и ресторанот „Два Елена“.
Каналот ги собира големите води на Водно и е брана од можно поплавување на овој дел на Центар.
Каналот не бил исчистен повеќе од десет години поради што бил полн со смет, зараснати трски и гранки.
Во летниот период, змиите и комарците беа опасност за граѓаните.
Службите од општината веќе почнаа со рачно чистење на каналот, а од понеделник влегува и механизација.
Градоначалникот на општина Центар, Андреј Жерновски ги повикува и другите градоначалници кои имаат вакви канали на Водно да ги исчистат, бидејќи при големи врнежи од дожд може да дојде до поплавување на половина град.
По средбата на жителите со градоначалникот Жерновски, поставена е ограда во должина од 100 м на улица „Загребска“. Оваа заштитна ограда е поради безбедноста на граѓаните и опасноста од излизгување.
