Насловна / Архитектура / Огромен кров кој ја штити куќата од земјотреси

Огромен кров кој ја штити куќата од земјотреси

Куќа која е пример за тоа како издолжениот кров може да изгледа прилично добро дури и кога се протега до самиот раб на патот. Главната цел на овој проект е да се создаде дом кој може да издржи земјотреси карактеристични за Јапонија, па затоа не е чудно што се создадени толку големи и отворени простори за живеење.

japonija

Идејата била да се извлече максималниот просторен волумен со окупирање на околината, но на начин што ќе одржува беспрекорен континуитет меѓу надворешноста и внатрешноста. Наместо да го усвојат типичниот пристап за поставување дневна соба со отворен план над група поврзани соби, архитектите одлучиле да создадат серија таканаречени дрвени „рамки на вратите“ кои го поддржуваат наведнатиот кров.

japonija1

Секоја рамка ја опфаќа ширината на парцелата, истовремено обезбедувајќи дека површината на отворениот под е колку што е можно дарежлива и истовремено постигнувајќи ја стабилноста потребна за заштита од земјотрес.

japonija2

Ѕидовите варираат по висина и го поддржуваат и закосениот кров кој се протега пред целата куќа, додека неговите големи стреи се прекинати со отвори низ кои штрчат дрвја. За ефикасно искористување на ограничениот простор, животот на станарите постепено се пренесува на просторот под големиот кров, па слободно може да се каже дека овој дел од домот всушност ја „изнесува“ внатрешноста надвор.

japonija4

Главниот станбен простор на оваа куќа се наоѓа на приземје и се состои од пространа дневна соба, кујна и трпезарија со поглед на заштитената градина. Големи бели завеси се вградени во секоја од постоечките рамки и лесно може да се повлечат за да го поделат целиот простор во различни зони. Приватните простори, вклучувајќи бања и просторија во традиционален јапонски стил, се наоѓаат во задниот дел на зградата.

japonija3

japonija5

japonija6

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top