Ново лице на познатите столици од Ханс Ј. Вегнер

Поминаа 100 години од раѓањето на познатиот дански дизајнер Ханс Ј. Вегнер. Со цел да го прослават овој јубилеј, студиото Carl Hansen & Son реализира ограничено издание на колекција на мебел, кој е дизајниран во соработка со познатиот моден креатор и дизајнер Пол Смит и фабриката за текстил за уредување на ентериери – Maharam. Така, некои од најпознатите Вегнерови столици се појавија во ново светло. Столиците се пресвлечени во материјали препознатливи по широките ленти коишто Пол Смит ги дизајнирал за Maharam.