Нови прописи за LED телевизорите во ЕУ

Европската Унија планира од јуни 2016 година да воведе нови стандарди за енергетската ефикасност на LED телевизорите со голем екран. Овие стандарди ќе бидат построги од постоечките, а освен телевизорите ќе бидат опфатени и компјутерските монитори. Исто така, ќе биде обезбедено рециклирање за повеќе компоненти.

Претставникот на Европското биро за екологија истакна дека е задоволен што се разговара за нови стандарди во областа на енергетската ефикасност. Телевизорите трошат околу 10% од енергијата во едно домаќинство, а со носењето на новите стандарди се очекува потрошувачката на електрична енергија во ЕУ да се намали за 42%. Се планира овие стандарди постепено да се воведат и за другите апарати за домаќинство.