Нова зелена населба во Каиро

Француското архитектонско студио Vincent Callebaut ги претстави своите планови за изградба на повеќенаменски комплекс во Каиро. Овој проект е замислен како симбол на прогресивната архитектура на денешницата, и во себе ќе ги обедини архитектурата и вегетацијата, односно ќе претставува вертикален, зелен, хиперповрзан екосистем.

Главната цел на проектот е подигање на свеста за одржливата архитектура. Комплексот ќе биде сместен под огромен соларен покрив, кој ќе ги покрива зелените градини и тераси. Освен што ќе служи како надополнување на соларните панели и системот за климатизација, овој зелен свод ќе ја редуцира употребата на механичкиот систем за вентилација. Комплексот ќе има 1.000 станови, трговски центар и деловен простор.