Нов мост во Турција – еден од најголемите мегапроекти

Мостот е наречен Осман Гази, по името на султанот Осман Први, кој своето име ѝ го дал на османската династија од XIV век. Се наоѓа на Мраморно Море и тоа е еден од најголемите висечки мостови во светот. Долг е три километри и ја претставува главната делница на автопатот Гебзе-Орхнгази-Измир, долг 433 километри.

„Требало да биде изграден пред 50 години, но сега конечно го завршивме“, рекол претседателот на свеченото отворање. Опозицијата и заштитниците на животната средина често ги критикуваат проектите на Ердоган кои ја преобликувале Турција, посебно Истанбул. Тоа е случај и со третиот меѓународен аеродром кој се гради на северозападот на Истанбул, поради кој биле уништени шуми, а ќе може да прими 150 милиони патници годишно. Би требало да биде завршен до 2017 година.