Њујорк во блиска иднина ќе го добиe својот прв лебдечки парк во вода

Изградбата на овој зелен остров од 2,7 хектари во срцето на Њујорк, на кој покрај зелените површини треба да бидат изградени и три сали и амфитеатар со 800 седишта, ќе чини 170 милиони долари, а голем дел од проектот ќе биде финансиран од страна на американскиот милијардер Бери Дилер, поранешниот сопственик на филмското студио „Парамаунт“.
Футуристички, овој лебдечки парк Pier 55, кој е замислен и дизајниран од архитектот Томас Хетервик, ќе почне да се гради во 2016 година на брегот на реката Хадсон, во Менхетен.

Како што е соопштено од страна на американските медиуми, њујорчани ќе бидат во можност да уживаат во него за четири години.