Њујорк ќе ја добие првата зграда со микро станови

Во почетокот на 2016 година, во Њујорк станбениот комплекс на мини станови кој го потпишува архитектонското студио nARCHITECTS конечно ќе го види светлото на денот. Иако проектот сеуште не е завршен, становите се веќе пласирани на пазарот. Така, зградата ќе содржи 55 микро станови коишто ќе бидат опремени со сите основни елементи кои овозможуваат лесен и удобен живот.

Големината на становите ќе варира од 23 до 35 метри квадратни, а самата градба на идните станари ќе им понуди услуги, како што се чистење станови, купување, перална и фитнес центар. Дополнителните погодности вклучуваат „виртуелен чувар“, мал балкон, пристап до lounge просториите и голема заедничка отворена тераса и простор за велосипеди.