Насловна / Архитектура / Највисоката модуларна кула во светот

Највисоката модуларна кула во светот

Во Сингапур е изградена највисоката модуларна кула на светот, која го престигна „George Street“ во Кројдон во Англија. Градежната фирма Bouygues Batiment International го има изградено „Clement Canopy“ – две кули од монтажни бетонски модули кои се високи по 140 метри. Вкупно 1.899 монтажни и готови модули е изградено надвор од локацијата.

kula

Бетонските модули се излиени во Сенаи во Малезија по што се комплетирани во фабриката воТуас во западен Сингапур. Секој модул надвор од локацијата бил завршен околу 85 отсто и после тоа транспортиран на градилиштето каде деловите се монтирани на самото место. Прозорските рамки и застаклувањето, вратите, плакарите и инсталацијата вклучувајќи водоводни, санитарни цевки, електрични цевки и каналите целосно биле готови и вградени во модулите пред тие да бидат донесени на градилиште.

kula1

 

„Clement Canopy“ е изградено во исто време кога модулите се споени и поставени на локацијата. Од фирмата Bouygues Batiment International велат дека оваа метода е дефинитивно еколошки прифатлива во однос на останатите бидејќи е намален отпадот на самото место за 70 отсто, а надвор од локацијата за 30 отсто. Модуларните проекти можат да бидат и уште поодржливи доколку се користи дрво наместо бетон.

kula2

 

Фасадните кули се изградени од обработен и обоиен бетон со алуминиумски прозорски рамки. „Clement Canopy“ има 505 двособни, трособни и четворособни станови и базен на приземјето.

kula3

kula4

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top