На Хвар ќе се гради хотел од луксузната групација Four Seasons

Според информациите на онлајн порталот Luxurydaily.com, групацијата на хотели Four Seasons влегла во партнерство со инвестиционата банка Arqaam Capital која е специјализирана за пазарите во развој. Тие го оцениле Хвар како растечка туристичка дестинација и одлучиле далматинскиот брег да го збогатат со свој хотел.

Северно од Стари Град во Бризеница, објектот ќе има свој приватен залив, а планираните содржини вклучуваат повеќе базени, спа и фитнес центар, ресторани и бутици.

Со 120 соби и 60 резиденции овој хотел ќе биде поставен високо на скалата на најпосакуваните оази за годишен одмор.

Отворањето на хотелот е закажано за 2019 година.