Порта3 – градежништво, архитектура и екологија Порта3 – градежништво, архитектура и екологија
Италијанското студио Iosa Ghini Associati веќе некое време работи со компанијата од Русија, „Моспроект-3“, со цел да ја имплементираат идејата за разбивање на монотонијата во изгледот на руското предградие, така што зградите ги прекриваат со различни бои и го преуредуваат изгледот на населбата. Додека „Моспроект-3“ е задолжена за техничките аспекти на зградите, Iosa Ghini Associati го разработува дизајнот на фасадите и уредувањето на пејсажот. Со овој проект, тие се спротиставуваат на чувството на монотонија во предградијата на Москва. Ефикасниот и креативен шарен слој на фасадите создава убав контраст, додека отворените дворови ја подобруваат перцепцијата за квалитетот на животот и нудат голем број рекреативни функции.
