Младински културен центар со 100% ефикасност

Овој младински културен центар е проект на OPEN Architecure и се наоѓа во Beidaihe, Qinhuangdao. Целиот објект е опкружен со природа која го штити од бучавата и хаосот во градот.

Со површина од 2.700 m², зградата задоволува неколку функционлани барања како театар, галерија, простории за активности, кафетерија, книжарница, мултимедијална сала итн. Со намера да се максимизира заштитата на природата, меѓутоа истовремено и да се добие разновидност на просторни квалитети, се доаѓа до отворен дизајн на зграда која е целосно сплотена со природата.

Внатрешниот простор слободно тече и се поврзува со надворешниот пејзаж. Истиот простор може да одговара на различни функции во различни ситуации. Централниот двор не е само дел од пејзажот туку истовремено е екстензија на театарот за да може да собере многу повеќе публика која би го гледала перформансот. Покривот е покриен со зеленило и овозможува многу надворешни активности, а тоа значи дека 100% од земјата се користи ефикасно, што е многу важен аспект од работата на кампот.