Митолошка изложба на Аи Веивеи во луксузна стоковна куќа

Луксузниот простор на париската стоковна куќа Le Bon Marché е домаќин на интересна визуелна поставка. Имено, детските игри или на изворен кинески – Er xi, послужиле како инспирација за новата изложба на славниот кинески уметник Аи Веивеи.

Скулптури направени од дрво бамбус и папирус инсталирани се во просторот на луксузната стоковна куќа во Париз. Инспирација на уметникот е од фолклорот, басните и бајките, кои повеќе од две илјади години се прераскажуваат на децата во Кина.

Со поставените 20 митолошки суштества и ликови кои имаат ефект на фатаморгана, француската стоковна куќа има добиено еден сосема поинаков дух.

Аи Веивеи својата изложба ја поделил во три изложбени секции.

Спојувајќи ги античките техники на уметноста и културата на пуштени змејови од хартија во воздух, кинескиот уметник покажа со колкава леснотија ги комбинира природните елементи како што се бамбусот и тенките свилени конци.