Луксузен мебел за пробирливи клиенти

Португалската компанија Jetclass, што се занимава со производство на луксузен мебел, ја претставува својата нова колекција наречена Loretto.

Она што ја прави оваа колекција толку посебна е употребата на интересни материјали како карбон-фибер, дрво, кожа, алуминиум и неʼрѓосувачки челик, што веројатно се очекува за висококвалитетни и луксузни автомобили, но не и за мебел за дневна или спална соба. Сепак, без оглед на тоа колку овој потфат изгледал смело, ризикот очигледно се исплател.

Колекцијата Loretto е навистина импресивна, и била претставена на саемот IMM Келн во Германија, каде што привлече голем број погледи и внимание на љубопитните посетители.

Цените на парчиња од оваа колекција се во опсег од 1.500 до 18.000 евра и може да се нарача директно од веб-сајтот на оваа компанија.