Коридорот 10 нема да биде завршен до крајот на годината

Грчката фирма „Актор“ која треба да гради четири делници од источниот крак, го прекина градењето, а сметката година дена им била блокирана за 10 милиони евра, се наведува во извештајот на Министерството за градежништво, сообраќај и инфраструктура, информира српскиот портал „Политика“.

Според пишувањето, „Актор“ нема работна сила, нема механизација и нема средства за градење на кракот кон Бугарија, а сметката година дена им е блокирана, стои во извештајот за градба на патот Ниш-Димитровград, кој го направи работна група во декември минатата година од ресорното министерство.

Тоа е закана дека коридорот 10 нема да биде завршен до крајот на годината, како што беше најавувано.

Работната група која го составила документот смета дека претпријатијето „Коридори Србија“ е виновно затоа што не ја следело динамиката на работа и  не казнувало непочитување на договорот.

Тие направиле повеќе трошоци, но не казнувале за непочитување на договорот.

На Грците им уплаќале пари без одобрување од банка, а тие останале должни на добавувачите, не ја завршиле работата, ја напуштиле градбата и материјалот пропаѓа.

Овој документ во Чачак на новинарите го поделил Велимир Илиќ, лидер на партијата „Нова Србија“ и поранешен министер за инфраструктура.

Исплатени биле 23.3 милиони евра за дополнителни аванси, за ослободување на гарантни депозити биле платени 440 милиони динари и за отштета 1.1 милијарда динари.

„Актор“ повлекувал пари, а работите не напредувале како што треба.

Оваа грчка фирма гради вкупно 48,7 км пат.