Порта3 – градежништво, архитектура и екологија Порта3 – градежништво, архитектура и екологија
Директорот на Коридори на Србија, Димитар Ѓуровиќ, најави дека Коридорот 10 ќе биде завршен во предвидениот рок – средината на 2016 година. Мисијата на Светска банка, која претходните недели ги обиколи градилиштата на Коридорот 10 во Србија, констатираше голем напредок во изградбата на тој дел од патниот правец. Според Ѓуровиќ годинава е планирано да се завршат 50 километри од автопатот на коридорите 10 и 11, иако во моментов компанијата Коридори на Србија е фокусирана на мостови и тунели. На тој начин ќе се оствари нашиот повеќедецениски сон, целиот Коридор 10, но и поголем дел од Коридорот 11, да бидат завршени до средината на 2016 година, рече тој.
