Конкурс за урбано-архитектонско решение за автобуска и железничка станица и деловно-комерцијален комплекс во блок 42 во Нов Белград

Градот Белград и Заводот за урбанизам на Белград ЈУП во соработка со Друштвото на архитекти на Белград распишаа јавен, отворен, едностепен и анонимен конкурс за урбанистичко-архитектонско решение на автобуска и железничка станица и деловно-комерцијален комплекс во Блок 42 во Нов Белград. Инвеститор на конкурсот е Дирекција за градежно земјиште и изградба на Белград.

Областа што е предмет на конкурсот е блокот 42 во Нов Белград, просторот помеѓу улиците „Јуриј Гагарин“, „Пролетерска солидарност“, Булевар „Милутин Миланковиќ“ и улицата „Ѓорѓе Станојевиќ“.

Целта на конкурсот е да се избере најдобро технолошко-сообраќајно, урбанистичко и архитектонско решение за изградба и уредување на автобуска и железничка станица во Нов Белград и деловно-комерцијален комплекс во Блок 42, како основа за изработка на планот за детална регулација.

Крајниот рок за поднесување е 13/05/2014, а објавувањето на поведниците е 10/06/2014.

Право да учествуваат на конкурсот имаат поединци и тимови експерти од Србија и странство, кои ги исполнуваат следниве критериуми: авторите, дипломирани инженери и архитекти, да имаат лиценца на одговорен проектант од Инженерската комора на Србија и стручните тимови кои учествуваат на конкурсот да имаат најмалку еден дипломиран инженер по архитектура со лиценца на одговорен проектант од Инженерската комора на Србија, кој го претставува тимот.