Конгрес „Одржлива архитектура – енергетска ефикасност“

Во текот на минатиот викенд во Белград во просториите на Југословенската кинотека, се одржа меѓународниот конгрес на тема „Одржлива архитектура – енергетска ефикасност“, штое е еден вид пионерски настан во оваа област во регионот. Учесниците имаа прилика да се запознаат со аспектите на енергетската ефикасност и одржливиот развој во архитектурата. Познати имиња од архитектурата  во улога на предавачи од Норвешка, Франција, Австрија, Данска, Италија, Шведска, Словенија и Хрватска , ги преставија светските трендови во областа.

И во текот на предавањата, но и низ работилниците, учесниците имаа прилика да слушнат информации за згради отпорни на климатски промени, примена на природни изолациони материјали, концептот на колективно домување во случај на вонредни ситуации и пасивните куќи. Исто така, стана збор и првите пасивни куќи изградени во поранешна Југославија уште во 1981 година.