Концертна сала Парк на музиката во Аквила

Италијанскиот град Аквила во 2009 годна беше погоден од катастрофален земјотрес со разорни последици. Пред катастрофата градот беше познат како средиште на класичната музика со признат фестивал. Но повеќето објекти и сценски простори беа срушени во земјотресот.

Прв кој дојде на спасување на имиџот за концертен град беше светски познатиот архитект Шигеру Бан, кој во 2011 година во Аквила ја отвори Kонцертната сала од картонски цевки. Сега се појави трајна структура – „Hall“, проект на големиот архитект Ренцо Пијано (копроектант на Центарот Помпиду  во Париз, кулата Shard во Лондон…).

Дрвената зграда од три коцкести блока се наоѓа во бизина на Шпанскиот замок и старото градско централно јадро. Во едната коцка има сала за 238 посетители и 40 музичари, втората е предворје, бар, гардероба .., а третата се помошни простории со вообичаени содржини. „Коцките“ меѓусебно се поврзани со ходници. Фасадната облога и подовите се од дрвени талпи од ариш, а рамките од смрека. Конструкцијата и материјалитe употребени на објектот се од асеизмичен карактер и еколошки чисти. Фасадата е затворена со дрвени ленти во 24 различни бои, во должина од 20 километри. Вкупна површина е 500 квадратни метри.

Околината на салата и самиот објект со топлата внатрешност, носи позитивна атмосфера и дава надеж за нов почеток на живот во до пола уништениот град.

Концертната сала ја отвори Болоњскиот оркестар Моцарт, под диригеска палка на Клаудио Абадо.

Ренцо Пијано во ентериерот на својот проект