Кинезите отворија еколошки автопат над вода

Во планинскиот дел на централната кинеска провинција Хубеи, отворен е за сообраќај автопат над вода. Долг е околу 10,9 километри, а делницата над вода се протега на дури 4,4 километри. Автопатот е изведен на овој начин со цел да се избегне посериозна еколошка штета на регионот.

Проектот вреди 70 милиони долари, а според многумина се работи за еден од најубавите автопати во светот и поради прекрасната природа низ која минува. Се очекува автопатот да придонесе за интензивирање на туризмот во оддалечените села, а секако ќе го скрати патот до поголемите градови во регионот.