Јужниот дел од Медитеранот станува пустина

Медитеранот се загрева побрзо од остатокот на светот, а ако трендот продолжи со најлошото можно сценарио во врска со емисиите на CO_2, до крајот на векот добар дел од Шпанија и некои други делови од Јужна Европа ќе се претворат во пустина. Глобалното затоплување над границата од 1,5° Целзиусови, идеалната горна граница поставена во Спогодбата од Париз 2015, во медитеранските екосистеми ќе предизвика промени какви не се забележани во последните 10.000 години.

Ова го покажува новата студија објавенa во часописот „Science“.  Температурите во медитеранскиот базен веќе досега бележат пораст за 1,3°C  во однос на средните температури во периодот 1880 – 1920 година. Истовремено, глобално се бележи значително понизок раст од 0,85°C.  Со оглед на фактот што екосистемите на Медитеранот се жариште на светскиот биодиверзитет и пружаат важни ресурси за голем број луѓе, овие сознанија се примени со голема загриженост во научната јавност.

Пустините би можеле да се прошират и во Португалија, Сицилија, Турција и делови на Сирија, како и во Северна Африка (Мароко, Алжир, Тунис). Вегетацијата во овие области, познати по боровите, маслинките и други карактеристични медитерански култури, драматично ќе се измени.