Идејниот проект за новата канцеларија на Google во Лондон

Google планира новата канцеларија во Лондон да биде отворена во 2016 година. Во рамките на овој нов структурален проект се планира да бидат сместени меѓу останатите единици, и отворен базен, затворен фудбалски терен, „карпа“ за качување, соблекувалници и тушеви, како и градина на самиот кров, каде вработените ќе можат да се релаксираат на отворено и свеж воздух.

Според архитектите од лондонското студио AHMM – Allford Hall Monaghan Morris, идејата за проектот е дека вработените не се само работници, туку и жители на објектот. Се планира во новата канцеларија да функционираат 4500 вработени, што е два пати повеќе во однос на сегашниот број на вработени, што компанијата го има во Лондон. Додека се одвиваат градежните и останатите работи, постоечкото седиште на Google во Лондон ќе биде разместено на две различни локации во градот.