I-Tower во Сеул, бетонската форма на надворешноста е иконична слика

I-Tower е посебна зграда која не ја избегнува контрадикторната природа на нејзината локација и нејзината програма, туку ги трансформира во место од кое изникнува единствена креација.

Само неколку блока од густата деловна четврт Gangnam во Сеул, Јужна Кореа, објектот се наоѓа на граница помеѓу мал парк и згради. Низ оваа микро-граница помеѓу градот и природата, на зградата и се дадени две контрастни лица: од страната на паркот, тоа претставува цврста бетонска фасада, слична на огромна карпа од природата, а кон урбаниот контекст се отвора со полни панорамски sидови завеси, како лампион. Двете спротивни лица одговараат на желбата за природа и град.

Повеќето згради во оваа област се придржуваат на регулативите за регулирање на дневната светлина, повлекувајќи го секој кат наназад додека се искачува. Архитектите од бирото Chiasmus Partners, проектанти на I-Tower  ги поврзале наназад поставените точки на објектот за да создадат закосена фасада, која ги задоволува прописите и постигнувајќи градба со скулптурен квалитет. Цврстите фасади се разбиени на три големи главни дела, со нивно спротивставување и преклопување се создаваат тесни процепи, за да се овозможи индиректно осветлување од сонцето и поглед на околината.

Силната бетонска форма на надворешноста е иконична слика, структурна обвивка и готов надворешен материјал, сè во едно, без потреба од дополнителни фасадни материјали за обложување или боја.

Богатството на форми, комбинацијата на полната маса и стаклените отвори, композицијата на пресекот, се се комбинира, создавајќи ентериер полн со просторна сложеност, елиминирајќи потреба од дополнителни внатрешни облоги или украсени површини.