Харисон Форд во борба против климатските промени

Зборувајќи на Глобалниот климатски самит кој се одржа во Сан Франциско, познатиот глумец рече дека надоаѓачката климатска катастрофа може да биде избегната само ако владите, компаниите и поединците ширум светот се здружат во настојувањата да го спречат уништувањето на Земјата. Тој изјави дека активностите како што се палењето на шумите во Суматра и експоатирањето на Амазон, се одговорни за повеќе емисии на јаглерод диоксид отколку сите автомобили и камиони на светот. Затоа, тој смета дека со заштита и ревитализација на овие природни добра, ќе биде исполнета 30% од задачата за намалување на глобалното затоплување.

Форд истакна дека заштитата на животната средина мора да биде вклучена во сите корпоративни и национални климатски цели, и дека е неопходно да се имаат рокови, фокусирани инвестиции, повеќе средства за научни истражувања и подобри образовни програми. Како посебно интересен за јавноста беше забележан неговиот коментар дека „луѓето кои не веруваат во климатските промени, не треба да ги задржат позициите на моќ и одлучување. Време е да престанеме да им даваме моќ на луѓето кои не веруваат во науката.“