Порта3 – градежништво, архитектура и екологија Порта3 – градежништво, архитектура и екологија
Уметникот Ray King искористи фасада на зграда како „платно“ на коешто „испишал“ текстови/пораки на историски личности на Америка.
Оваа интервенција на метална фасада е, всушност, инсталација наречена Horizon и е направена од пластифицирани стаклени елементи закачени за објектот на болницата во Пало Алто, Калифорнија, САД.
На прв поглед, „случајниот“ распоред на обоени кругови и цртички не значи ништо, но тие всушност имаат конкретна смисла, бидејќи се работи за текстови/пораки напишани во Морзеова азбука.
Текстовите се цитати од Абрахам Линколн и Еленор Рузвелт, пишува Contemporist.
Овие пораки можат да се прочитаат кога ќе се застане на една дистанца од нив, и секако ако се знае Mорзеовата азбука.
На јужната фасада поставен е дел од говорот на Абрахам Линколн за време на неговата втора инаугурација во 1865 година.
На западната фасада е цитат од Еленор Рузвелт, сопругата на поранешниот претседател на Америка, Рузвелт.
„Ќе добиете сила, храброст и доверба во секое искуство во коешто ќе престанете на стравот да му гледате во лице. Морате да го направите она што мислите дека не можете да го направите“, рекла Еленор Рузвелт во 1960 година, и сега овие зборови се испишани на фасадата на болницата.
