ЕУ: Драстично се намалуваат емисиите на штетни гасови во Европа

Користењето на обновливи извори на енергија за производство на струја, греење/разладување и превоз придонело за постојано намалување на емисиите на штетни гасови во Европа.

Студијата на Заедничкиот истражувачки центар на Европската комисија покажува дека во 2012 година количеството на емисиите е намалено за 716 милиони тони јаглерод диоксид, додека во 2009 година заштедата изнесувала 529 милиони тони CO2.

Во истражувањето се наведува дека две третини од намалените емисии на штетни гасови им се препишува на развојот на проекти за обновливи извори на енергија.

Земји предводнички во намалување на емисиите на штетни гасови се Германија со 144,5 милиони тони јаглерод диоксид, Шведска со 98 милиони тони CO2, Франција со 82,4 милиони тони CO2, Италија со 70,94 милиони тони јаглерод диоксид и Шпанија со 56,86 милиони тони CO2.