Енергетски ефикасна метро станица во форма на вселенски брод

Областа околу една позната метро станица во Токио,“Shibuya„  долгогодишен центар на младите и модните случувања, добива ново „футуристичко лице“.

Симболот на  обновата на  метро станицата е во облик на  „шишусен“ или подземен вселенски брод.

Творец на проектот е светски познатиот архитект Андо Тадао, кој  употребил разни еколошки и енергетски ефикасни  иновации. Еден од таквите примери е и вентилациониот систем кој користи природно струење на воздухот.

Отворениот простор во центрот на  „вселенски брод“  му  овозможува на топлиот отпаден воздух да се издигне и излезе од атриумот, додека од надворешноста влегува свеж воздух. Постои и одличен систем за ладење  преку циркулација на ладна вода. Со ваков систем за вентилација и климатизација ќе се намалат емисиите на јаглерод диоксид за околу 1000 тони во споредба со класичните решенија кај метро станиците.