Енергетската ефикасност на објектите ќе го намали загадувањето на воздухот во Сараево

Со оглед на фактот што многу истражувања го посочуваат Сараево како најзагаден главен град во Европа, неодамна во главниот град на БиХ беше одржана стручна дебата на тема „Поддршка на медиумите за објективно информирање за состојбата со квалитетот на воздухот во Кантонот Сараево“. Притоа, претседателот на научно-стручниот одбор на Центарот за економски, технолошки и околиски развој (CETEOR) Кнежевиќ, истакна дека загадувањето на воздухот во Сараево во 60-тите и 70-тите години било и до 2,5 пати поголемо од денес, иако во тој период имало помалку возила, станови и потрошувачка на енергија. Причината тој ја лоцира во начинот на греење, првенствено со користење на цврсти горива односно јаглен.

Се смета дека денешното загадување може да се намали со енергетска санација на зградите, при што нивната потреба од енергија ќе се намали за неколку пати, па за многумина би било попрактично да користат гас за греење наместо јаглен или дрва. Кнежевиќ посочува дека средствата за овој проект би можело да се обезбедат од развиените земји кои финансираат такви проекти, како и од меѓународни организации кои нудат поволни кредити кои би се отплатувале преку оставената заштеда на енергија.