Порта3 – градежништво, архитектура и екологија Порта3 – градежништво, архитектура и екологија
Компанијата Avantgarde Acoustic лансирала врвен звучен систем, кој, за разлика од неговите претходници, работи врз основа на дигиталните технологии. Овој систем Avantgarde Acoustic Zero 1 благодарение на модерниот и елегантен дизајн совршено се вклопува во секој ентериер.
Овој добро познат производител на звучници и звучни системи ја враќа својата стара добра технологија на horn звучници во форма на модерна опрема која ја прави музиката уште поавтентична и поквалитетна во дизајнерска и технолошка смисла.
Моделот Zero 1 ги има сите предности на horn технологијата по којашто Avantgarde Acoustic е познат – звучниците имаат вграден засилувач со моќ на 50 вати без аудио одложување или дисторзија, со импресивни перформанси од 104 dB.
Покрај тоа, звучниците доаѓаат со бас вуфер со засилувач од 400 вати. Моделот Zero 1 ги претвора дигиталните сигнали во бескомпромисен квалитетен звук.
Со сите погоре технички предности и карактеристики, овој елегантен дизајн нема никого да го остави рамнодушен.
Строгата форма, мазните линии и белата боја се совршен прилог на еден дом, кој освен со својот дизајн, овозможува и беспрекорен звук.
