Насловна / Вести / Еколошки градови во иднината (ВИДЕО)

Еколошки градови во иднината (ВИДЕО)

Нема да чекаме долго за еколошки градови кои воодушевуваат со својот футуристички изглед. Архитектонската фирма BIG претстави план за изградба на три вештачки острови во близина на островот Пенанг во Малезија, кои ќе работат според одржливи принципи.

gradovi

Амбициозниот проект „BiodiverCity“, кој ќе заземе 1.820 хектари земја, беше инициран од владата на малезиската држава Пенанг, со цел да се создаде глобална дестинација што ќе го стимулира економскиот и културниот раст на Пенанг, истовремено заштитувајќи го крајбрежниот биодиверзитет и нејзините природни живеалишта.

gradovi1

Секој од трите острови „BiodiverCity“ ќе има форма на воден крин и ќе содржи квартови со мешана употреба, паркови од 242 хектари, јавни плажи од 4,6 километри и крајбрежје со должина од 25 километри.

gradovi2

Меѓу 15 и 18 илјади жители ќе најдат нов дом во секој од островите, каде што ќе користат обновливи извори на енергија, вода од локални извори, како и системи за обработка на отпад.

gradovi6

Како градежен материјал ќе се користи комбинација од бамбус, малезиско стебло и „зелен бетон“ направен од рециклирани суровини.

gradovi3

Големо внимание се посветува на сообраќајот, како на островот, така и меѓу нив, така што сите овие зони ќе бидат ослободени од традиционални автомобили, наместо кои ќе патуваат еколошки возила – на копно, вода и воздух, а ќе се градат и бројни пешачки и велосипедски патеки.

gradovi4

Островите исто така ќе имаат мрежа на еколошки коридори ширина од 50 до 100 метри, кои ќе служат како природни резервати и паркови кои поттикнуваат развој на биодиверзитетот.

gradovi5

„BiodiverCity“ беше лансиран како дел од поширокиот проект „Penang2030“, кој има за цел да го направи животот во оваа малезиска земја позелен, попаметен и да го изгради за да одговара на семејство.

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top