Насловна / Вести / До крајот на летото нова градинка во Припор

До крајот на летото нова градинка во Припор

nova gradinka vo pripor

Во ПОУ „Круме Кепески“ во Припор, во тек се интензивни градежни работи со цел да профункционира првата градинка во овој дел од Општината до крајот на летото, информираат од Кисела Вода.
Фирма изведувач е „Инком Инженеринг“, чии активности течат во насока на реконструкција и адаптација на две постоечки простории и изградба на сосема нов дел во ова подрачно основно училиште, во кои треба да работи градинката.
Според планот, ќе функционираат три групи од кои едната е јасли, а идејното решение изработено од општината опфаќа и креативни работилници, дистрибутивна кујна и перална.
Како дел од програмата за енергетска ефикасност која општина Кисела Вода ја имплементира во сите градинки и училишта на своја територија, и во ова училиште фасадата ќе биде заменета со нова, енергетски ефикасна, со што ќе се зголеми изолацијата на објектот. Исто така, постојниот дотраен покрив на училиштето ќе биде целосно реконструиран и со тоа ќе бидат надминати проблемите со протекување.
Општина Кисела Вода самостојно ги обезбеди средствата за овој проект, чија вредност изнесува 12 милиони денари. Истиот е одговор на едно од најголемите барања на родителите од Припор, кои досега своите деца мораа да ги носат во градинките во централниот дел на Кисела Вода.

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top