Дизајнот на павилјоните ја велича прекрасната природа на Тасманија

Девет нови павилјони во ресортот „Freycinet Lodge” нудат единствено сместување, опкружено со зеленило во еден од најстарите национални паркови на Тасманија.

Реновираните куќички ги проектирало студиото Liminal Architecture, a инспирацијата за нивниот несекојдневен изглед потекнала од непосредното природно опкружување.

Нивната форма ги отсликува мазните, заоблени линии на заливот Great Oyster Bay на источниот брег на островот, кде е сместен ресортот.
Куќите се изградени на начин кој максимално ги користи предностите на импозантната локација и нуди освежувачко искуство во ресортот кој се состои од преку 60 павилјони. Дизајнот на павилјоните ја велича прекрасната природа на Тасманија: од една страна дрвената фасада претставува дискретна и неупадлива позадина на која се истакнува бујната вегетација, додека другата страна на куќата во потполност е втурната во природата.

Особено внимание е посветено на изборот на локацијата за новите куќички за да се овозможи интимно и релаксирано опкружување. Патот до павилјонот не открива многу: патеката се движи покрај темни ѕидови без прозори до заклонета влезна врата. Но токму тој изглед игра важна улога во создавањето чувство на заштитеност и изолираност од други посетители.

Црната боја на фасдата е добиена со традиционална јапонска техника Shou Sugi Ban која подразбира третирање на површинскиот слој на дрвото со палење, а потоа нанесување уље на исчистената површина.

Благодарение на оваа техника се продолжува векот на траење на објектот, бидејќи дрвото е подобро заштитено од временските прилики и инсекти.

Како контраст на невпечатливиот влезен дел на павилјонот, внатрешноста е светла, топла и повикува на уживање. Ѕидовите, подовите и плафоните се обложени со панели од тасманиски даб и акција. Од под до плафон се протегаат закривени прозори кои ја внесуваат природата во ентериерот.