Порта3 – градежништво, архитектура и екологија Порта3 – градежништво, архитектура и екологија
Општина Струмица, преку претпријатието „Струмица гас“ во континуитет ја проширува дистрибутивната гасоводна мрежа и истовремено обезбедува поголем број потрошувачи на овој енергент кој, пред сè, овозможува исклучителни ниски емисии на стакленички гасови, со што придонесува за одржлив развој на општината односно чиста и здрава животна средина.
Неодамна заврши испитувањето на новоизградената делница на потегот од улиците Иљо Шопов, Коста Бозов и Јанко Цветинов, со што вкупната должина на дистрибутивната мрежа веќе достигна 25 километри. Испитувањето на новата делница е извршено од страна на Машинскиот факултет од Скопје и Државниот технички инспекторат, во согласност со сите важечки прописи кои ја регулираат оваа проблематика.
