Денеска се одбележува Денот на планетата Земја

Во светот денеска со низа манифестации се одбележува Денот на планетата Земја – 22 Април. Секоја година на овој датум, преку една милијарда луѓе во 190 земји преземаат акција за Денот на планетата Земја. Од Сан Франциско до Сан Хуан, од Пекинг до Брисел, од Москва до Макареш, луѓето садат дрвја, ги чистат нивните заедници, ги контактираат нивните избрани политичари и многу повеќе – за доброто на животната средина.

По тој повод ОН ќе се обидат да мобилизираат милиони луѓе да создадат одржлива, здрава природна средина со озеленување на градовите ширум светот.

„Повеќе од половина од светското население живее во градовите, бидејќи бројот на жителите во урбаните средини се зголемува, а последиците од климатските промени се влошуваат, нашите градови мора да еволуираат“, се вели во пораката од светската организација.

Препораката е да се инвестира во ефикасни и обновливи извори на енергија, да се намали загадувањето и да се забават климатските промени предизвикани од човекот.

ОН во наредните две години организираат кампања „Зелени градови“, што треба да прерасне во глобално движење.